పొరపాటు!!.

రేపు మీరు బాగుపడాలంటే ,ఈ రోజు మీరేం తప్పులు చేశారో మీకు తెలియాలి.అలా తెలుసుకొని ,మళ్ళీ అవి జరగకుండా ఒక ప్రణాళిక వేసుకోవాలి.పొరపాట్లు చేయడం తప్పేమి కాదు.మన జీవితంలో ,మన అభివృద్ధిలో అవి భాగాలు ."ఆనందం మంచి విచక్షణ వల్ల వస్తుంది.విచక్షణ అనుభవం వల్ల వస్తుంది.అనుభవం విచక్షణ లేకపోవడం నుంచి వస్తుంది."కానీ ఒకే తప్పును పదేపదే చేయడంలో మాత్రం ఏదో దోషం ఉంది. ఇది ఆ మనిషికి వివేకం అసలే లేదని నిరూపిస్తుంది.మనుషుల్ని ,జంతువుల నుంచి విడదీసే మౌళిక లక్షణం ఇదే.ఒక్క మనిషి మాత్రమే తన నుంచి తాను విడిపోయి ,తను చేసిన పని తప్పా,ఒప్పా అని వివేచించగలడు.జంతువులు ఆ పని చేయలేవు. మీరు చేయగలరు.ఆత్మావలోకన విధి చెప్పేది దీన్ని గురించే .మీ దినచర్యలో ఏది సరిగ్గా ఉందో,ఏది లేదో మీరే నిర్ణయించుకోండి.ఆ తర్వాత దానికి అవసరమైన మెరుగులు దిద్దుకోండి .