సద్గుణం!!.

మీరు ఎలా ఉన్నారో--ఎలాఉన్నప్పటికీ అంటే -కురూపిగా గానీ,అందంగా గానీ,చెడ్డగా గానీ లేదా మంచిగా
గానీ…….ఉన్నది ఉన్నట్లుగా, ఎటువంటి పోలికలు,భేదాలు మరియు వక్రతా కలుగ జేయకుండా అవగాహన చేసుకోవడంతోనే “సద్గుణం” ఆరంభమవుతుంది. సద్గుణం అత్యవసరం, అది స్వేచ్చనిస్తుంది. సద్గుణం అలవరచుకోవటం వల్ల రాదు.అలా చేస్తే గౌరవమర్యాదలు లభించవచ్చు గాని,అవగాహనశక్తిగాని, స్వేచ్చగానీ లభించదు. సద్గుణంతో ఉండటానికీ, సద్గుణంతో ఉండాలనుకోవటానికీ భేదం ఉంది. సద్గుణంతో ఉండటం ఉన్నస్థితిని అవగాహన చేసుకోవటం వల్ల జరుగుతుంది. సద్గుణంతో ఉండాలనుకోవటం “వాయిదా” వెయ్యటమే ,ఉన్నదాన్ని- కావాలనుకునే దానితో కప్పిపుచ్చడమే అవుతుంది. కానిది అవటం సద్గుణంకాదు.ఉన్నస్థితిని అవగాహన చేసుకోవటం, తద్వారా ఉన్నస్థితి నుంచి స్వేచ్చను పొందడం-ఇదే సద్గుణం .ఉన్నస్థితి మీరు ఉన్నదే కాని, మీరు కావాలని కోరుకునేది కాదు.