గతాన్ని గురించి కలవరపడకుండా,భవిష్యత్తు గురించి ఆందోళన చెందకుండా జీవించేందుకు ఒక మార్గం ఉంది."నీ కర్తవ్యాన్నినువ్వు నిర్వహించు- ఫలితాలు ఆశించకు". చాలా మందికి దీనికిగల నిగూఢమైన భావం తెలియదు. ఫలితం భవిష్యత్తుకు సంబంధిచినది. కర్తవ్యం వర్తమానానికి సంబంధిచినది. భవిష్యత్తును గురించి ఎవరైన కలవరపడితే, వర్తమానంలో నిలకడ తప్పుతుంది.అందుకే ఫలితాల గురించి కలత చెందకు అని అంటారు.

గతం నుండి నేర్చుకో- వర్తమానాన్ని అస్వాదించు- భవిష్యత్తును రూపొందించుకో.

గతం విషాదంతో నిండియుండవచ్చు. భవిష్యత్తు మనకు తెలియదు.వర్తమానం ఒక్కటే భగవంతుడు ప్రసాదించిన గొప్పవరం.
దీనినే ఇంకోలా చెప్పాలంటే .....
గతం చరిత్ర.
భవిష్యత్తు అంతుబట్టనిది.
వర్తమానం ఒక కానుక!
అందుకే మనం Present(కానుక) అని అంటాం.

కొందరు సరదాకి పని చేస్తారు- కాని తెలివైన వారికి పని చేయడమే ఓ సరదా!