సుస్వాగతం

భగవంతుడిచ్చిన వరం ఆనందం. దాన్ని చిన్న చిన్న కారణాలకు,సమస్యలకు,ఆవేశాలకు,ఆవేదనలకు మరియు మానసికఒత్తిడులకు కోల్పోకూడదు.చిన్న చిన్న అనే పదాన్ని ఎందుకు వడానంటే అవి ఎంత పెద్దవైనా జీవితంముందు,ఆనందం ముందు చాలా చిన్నవే. ముఖంపై చిరునవ్వు చిందించడం అంటే దైవాన్ని ప్రార్థించడమే.

మీ దుఃఖానికి ఎవరో ఎదుటివాళ్ళు కారణమనిచెప్పి ,వాళ్ళపై తప్పును మోపడానికి ప్రయత్నించకండి.మీ దుఃఖానికి మీరే కారణమన్న విషయాన్ని అర్థం చేసుకోవాలి.మీ దుఃఖాల లోతులకెళ్ళి, దీనినుండి నేను నేర్చుకోగల పాఠం ఏమిటి అన్న విషయం ఆలోచించండి.ఆ ప్రశ్నకు సమాధానం కనుక్కునే ప్రయత్నం చేయండి.అదే మిమ్మల్ని ఎదిగేలా చేస్తుంది.

ఆనందం అనేది తాళం కప్పలాంటిది.వివేకం తాళం చెవి వంటిది.తాళం చెవిని ఒకవైపుకి తిప్పితే ఆనందం తలుపులు మూసుకుపోతాయి.మరోవైపుకు తిప్పినట్టయితే ఆనందం తలుపులు తెరుచుకుంటాయి.