మా కశ్చిద్దుఃఖబాగ్భవేత్... Smiles Every Where

Allah Ke Bande- Kailash kher

2011-03-04T18:35:00.000+05:30

Hum Honge Kaamiyaab !!

2010-09-12T15:54:00.000+05:30

Venuvai Vachanu

2010-09-11T14:53:00.001+05:30

Evaro Okaru !!

2010-09-10T18:34:00.000+05:30

Yeh Jo Des Hai Tera - Swades

2010-09-09T19:59:00.002+05:30

Most Inspiring Song !!

2010-09-09T19:50:00.002+05:30

2010-08-09T21:21:00.000+05:30

2010-07-21T19:21:00.000+05:30

అహం!!!.

2009-09-04T20:29:00.002+05:30

ప్రతి పనిని తనే సంకల్పించి తనే చేస్తున్నాడు అనుకోవడం "అహం".ఈ విశాల విశ్వంలో తను చేసే ప్రతి పని వెనుక ఏదో అదృశ్య శక్తి ఉంది,తన చేత చేయిస్తోంది అన్న విషయాన్ని విస్మరించడమే అహం.ప్రతీ మనిషి సాధారణంగా దయాస్వభావంతోనే పుడతాడు.వయసుతో పాటు పెరిగే అహంవల్ల తను ఇతరుల కన్నా మెరుగు అనుకొని ఈ దయా స్వభావాన్ని విడిచి పెడతాడు.మనలోని రాగ-ద్వేషాలు,సుఖం-దుఃఖం,ఇష్టాయిష్టాలు మొదలైన అనేక ద్వంద్వభావానల ఉత్పత్తికి కూడా ఈ అహమే అసలు కారణం.మనల్ని ఎవరైనా ఏదైనా మాటంటే,మన అహం దెబ్బ తినడం వల్లే మనకి కోపం వస్తుంది.తిరిగి మనం ఇంకో మాటంటేగాని దెబ్బతిన్న మన అహం శాంతించదు.అహం మనిషిని వివేకశూన్యునిగా చేస్తుంది.అహాన్ని వదిలితే మనిషి మహాత్ముడు అవుతాడు.
నాలోని "నేను" పోతే, అంతా నేనే-అంతటా నేనే.

ఒక్కటి ఇవ్వండి-ఆనందం పొందండి.

2009-05-09T15:09:00.000+05:30

జీవితం ఆనందంగా,ప్రశాంతంగా ఉండాలంటే ఇవ్వటం నేర్చుకోవాలి.ఇవ్వటం అంటే ఎంతో కాదు మన సంపాదనలో”ఒక్క శాతం’ పేదవారికి . మనం మాట్లాడే మాటల్లో ’ఒక్క మాట’ ఎదుటివారికి ఆనందం కలిగించేది. మనం చేసే పనుల్లో ’ఒక్కపని” బలహీనులకు ఉపయోగపడేది.మనం చూసే చూపుల్లో ”ఒక్కచూపు’ బాధల్లో ఉన్నవారికి భరోసా ఇచ్చేది .మనం ఉండే చోటుల్లో’ ’ఒక్కచోటు” మనచుట్టూ ఉండేవారికి మనమంటే భయం కలగకుండా ఉండేది.మనం ప్రార్థన చేసే క్షణాల్లో ఒక్కక్షణం తోటివారి క్షేమం కొరకుచేసేది. ఇలా ఒక్కొక్కటి ఇవ్వడం నేర్చుకుంటే ఆనందం మన వెంటే ఉంటుంది.
సర్వే జనః సుఖినో భవంతు!!

చిదంబర రహస్యం-జీవితం!!

2009-04-12T17:41:00.001+05:30

ఎవ్వరికీ అర్థం కానిది.అందరికీ అర్థమైనట్లు అనిపించేది.శాశ్వతమైనది.అశాశ్వతంగా కనిపించేది.వేల సంవత్సరాలుగా వెతుకుతున్నది.మనతోనే ఉండేది.మనలోనే ఉండేది.కాలంతో పాటు పయనించేది.గతంలో ఉన్నది.ఇప్పుడు కొనసాగుతున్నది.భవిష్యత్తులో ఉండేది.అశాశ్వతమైన వాటిలో జీవాన్ని నింపేది.తాను అశాశ్వతంగా ఉన్నట్లు అగుపించేది.తాను మారకుండా అన్నింటినీ మార్చేది.ఆనంద స్వరూపమైనది.అన్నింటికీ అతీతమైనది.ఉన్నదాంతో తృప్తి చెందనిది.ఉండాలనుకునే దానివెంట పరుగెత్తేది.తానే ఆనందమని మరచి ,ఆనందం కోసం వెతికేది.అద్భుతమైనది,కానీ అల్పంగా తోచేది.

సద్గుణం!!.

2009-03-24T19:30:00.001+05:30

మీరు ఎలా ఉన్నారో--ఎలాఉన్నప్పటికీ అంటే -కురూపిగా గానీ,అందంగా గానీ,చెడ్డగా గానీ లేదా మంచిగా
గానీ…….ఉన్నది ఉన్నట్లుగా, ఎటువంటి పోలికలు,భేదాలు మరియు వక్రతా కలుగ జేయకుండా అవగాహన చేసుకోవడంతోనే “సద్గుణం” ఆరంభమవుతుంది. సద్గుణం అత్యవసరం, అది స్వేచ్చనిస్తుంది. సద్గుణం అలవరచుకోవటం వల్ల రాదు.అలా చేస్తే గౌరవమర్యాదలు లభించవచ్చు గాని,అవగాహనశక్తిగాని, స్వేచ్చగానీ లభించదు. సద్గుణంతో ఉండటానికీ, సద్గుణంతో ఉండాలనుకోవటానికీ భేదం ఉంది. సద్గుణంతో ఉండటం ఉన్నస్థితిని అవగాహన చేసుకోవటం వల్ల జరుగుతుంది. సద్గుణంతో ఉండాలనుకోవటం “వాయిదా” వెయ్యటమే ,ఉన్నదాన్ని- కావాలనుకునే దానితో కప్పిపుచ్చడమే అవుతుంది. కానిది అవటం సద్గుణంకాదు.ఉన్నస్థితిని అవగాహన చేసుకోవటం, తద్వారా ఉన్నస్థితి నుంచి స్వేచ్చను పొందడం-ఇదే సద్గుణం .ఉన్నస్థితి మీరు ఉన్నదే కాని, మీరు కావాలని కోరుకునేది కాదు.

విద్యావంతులు!!.

2009-03-11T19:18:00.002+05:30

ప్రతి రోజూ తాము ఎదుర్కొనే పరిస్థితులని చక్కగా నిర్వహించగల వారినీ,ఆ పరిస్థితులను సరిగ్గా అర్థం చేసుకుని,సరైన పద్ధతిలో వాటికి అనుగుణంగా నడుచుకునే వారినీ మొదట విద్యావంతులుగా చెప్పుకోవాలి.
ఆ తరువాత అందరితోటి గౌరవపూర్వకంగా వ్యవహరించే వారూ,తమ తోటి పనివారితో వీలైనంత వరకూ సర్దుకు పోయేవారూ ఈ కోవకి చెందుతారు.
ఇంకా ,సంతోషంగా ఉన్నప్పుడు,దాన్ని ఎక్కువగా బైట పెట్టకుండా అదుపులో పెట్టుకునేవారూ,తమ దురదృష్టాన్ని తలచుకొని కుంగిపోకుండా,దాని భరిస్తూ,ధైర్యంగా జీవిస్తూ తమ సహజ ప్రవృత్తికి నిండుతనం కలిగించేవారూ చదువుకున్నవారి కింద లెక్క.
అన్నిటికన్నా ముఖ్యంగా ,విజయగర్వంతో విర్రవీగకుండా ఉండగలవారూ,తమ సహజ స్వభావాన్ని వదలక ,వివేకంతోనూ,గంభీర స్వభావంతోనూ నిలదొక్కు కోగలవారూ ,ఏదో అదృష్టవశాత్తూ తమకి దొరికిన మంచి అవకాశాలని చూసి ఉప్పొంగి పోకుండా ,జన్మతః లభించిన స్వభావంవల్లనూ,తెలివితేటల వల్లనూ,స్వయంకృషి వల్లనూ సాధించిన వాటితో తృప్తి పడేవారు కూడా విద్యావంతులే.
ఒక్క మాటలో చెప్పాలంటే ,పరిస్థితులేమైనప్పటికీ ,వివేకంతోనూ,ధైర్యంతోనూ తమ మార్గాన్ని ఎంచుకునేవారు నిజమైన విద్యావంతులు.
మూర్ఖత్వాన్ని వదిలి వివేకాన్నీ,చెడుని వదిలి మంచినీ,అసభ్యతని వదిలి సభ్యతనీ,దుర్గుణాలని వదిలి సుగుణాలనే ఎంచుకున్నప్పుడు ,వారికి విశ్వవిద్యాలయాలు ఇచ్చే పట్టాలు ఉన్నా లేకపోయినా,వారు విద్యావంతులే.
అసతోమా సద్గమయా!.తమసోమా జ్యోతిర్గమయా!!.మృత్యోర్మా అమృతంగమయా!!!.

అదృష్టం!!.

2009-02-26T16:56:00.002+05:30

"అతను పగలల్లా పని చేశాడు,
రాత్రిళ్లూ కష్టపడ్డాడు,
ఆట పాటలు మానేశాడు,
ఆనందం వదులుకున్నాడు,
పుస్తకాలెన్నో చదివాడు,
కొత్త విషయాలు తెలుసుకున్నాడు,
ముందుకి దూసుకుపోయి
విజయాన్ని పొందాలనుకున్నాడు,
ఒక్కొక్క అడుగూ
నమ్మకంతోనూ,ధైర్యంతోనూ వేశాడు,
చివరికి అతను విజయాన్ని సాధిస్తే
అది అదృష్టమని అందరూ అన్నారు"

అభ్యాసం,అవకాశం కలిసినప్పుడే అదృష్టం పండుతుంది.ప్రయాస,అభ్యాసమూ,ప్రయత్నమూ లేనిదే అనుకోని అదృష్టం కలగదు.
గొప్ప పనులు చెయ్యాలనుకునే వారికి ఒక లక్ష్యం ఉంటుంది.మిగతా వారికి కోరికలు మాత్రమే ఉంటాయి.

బాధ పడకండి!.భయపడకండి!!.వదిలి పెట్టకండి!!!.

2009-02-14T19:43:00.002+05:30

“ జీవితంలో అప్పుడప్పుడూ ఇలా జరుగుతుంది .
అనుకోని పనులు నెరవేరనప్పుడు
మీరు నడిచే దారి సాఫీగా లేనప్పుడు
మీ రాబడి కన్నా అప్పులే ఎక్కువగా ఉన్నప్పుడు
మీరు నవ్వాలని ప్రయత్నిస్తే నిట్టూర్పులే వచ్చినప్పుడు
విచారం మిమ్మల్ని కొద్దిగా నొక్కి పెడుతూంటే-
కావాలంటే విశ్రాంతి తీసుకోండి,
కానీ మీ ప్రయత్నాన్ని మాత్రం వదలకండి.

చిత్రమైన ఈ జీవితంలో చిక్కులూ,సమస్యలూ నిండి ఉంటాయి .
ఈ సత్యాన్ని ఎప్పుడో ఒకప్పుడు మనందరం గ్రహిస్తాం.
కాస్త ఓర్మి వహిస్తే గెలుపు సాధ్యమయే తరుణంలో
మనిషి వెనుకంజ వేసి విఫలుడౌతూ ఉంటాడు.
మీ గమనం మందకోడిగా సాగినా ఆగకండి-
ఇంకాస్త ప్రయత్నిస్తే విజయం మీదే అవుతుంది.

విజయం అనేది ఓటమి యొక్క మరో ముఖం-
సందేహం అనే మబ్బుల కుండే వెండి వెలుగుల అంచు అది.
విజయం ఎంత దూరంలో ఉందో చెప్పటం అసాధ్యం.
మీరు ఎంతో దూరంలో ఉందనుకున్నది చేతికందే దూరంలోనే ఉండవచ్చు.
కష్టాల్లో చిక్కుకున్నప్పుడే మీరు ధైర్యంగా నిలబడాలి.
పరిస్థితులు నిరాశాజనకంగా ఉన్నప్పుడే పట్టుదలతో ప్రయత్నించాలి.

మీరు అత్యున్నత స్థాయికి చేరుకోవటానికి చేసే ప్రయాణం సుగమం కాదు.
అడుగడుక్కీ విఘాతాలు ఎదురౌతాయి.విజయాన్ని సాధించే వారికి , వీటిని అధిగమించి , నేలకి కొట్టిన బంతిలా పైకి లేచి , ఇంకా దృఢమైన నిశ్చయంతో , ముందుకి పోయే సామర్థ్యం ఉంటుంది.
జీవితంలో ప్రతి ఒక్కరూ విజయం సాధించాలని , జీవితాన్ని సార్థకం చేసుకోవాలని తహతహలాడు తుంటారు .కాని అందుకు తగిన ప్రయత్నాలు చేయకుండా తమ కష్టాలు తొలగిపోవాలని , అదృష్టం కలిసి రావాలని ,పరిస్థితులు అనుకూలంగా మారాలని ఎదురుచూస్తుంటారు .అతి కొద్ది మంది మాత్రమే తమ జీవితంలో గణనీయమైన మార్పును కొనిరావడానికి ప్రయత్నిస్తారు .
ఆ ప్రయత్నమే వారిని విజయపథం వేపు మరలిస్తుంది .”

తస్మాత్ జాగ్రత్త!!.

2009-02-12T18:24:00.000+05:30

చిన్న చిన్న కళ్ళన్నీ మీ మీదే ఉన్నాయి,
అవి పగలూ రాత్రీ మిమ్మల్నే గమనిస్తున్నాయి.
చిన్న చెవులు కూడా ఉన్నాయి,
అవి మీరనే మాటల్ని ఎప్పటికప్పుడు వింటునే ఉన్నాయి.
చిన్న చిన్న చేతులూ ఉన్నాయి,
మీరు చేసే ప్రతి పనిని చెయ్యటానికి అతురత చూపుతున్నాయి.
ఒక చిన్న పిల్లవాడు కలలు కంటున్నాడు,
ఏదో ఒకనాడు మీలాగే తయారు కావాలని.
మీరే ఆ చిన్నారి బాబుకు ఆదర్శం,
అందరిలోకీ తెలివైన వారు మీరేనట.
ఆ చిన్నారి మనసులో ,
మీమీద ఎన్నడూ సందేహమనేది కలుగదు.
మీరంటే వాడికి ప్రగాఢమైన విశ్వాసం.
మీరు అనే మాటా, చేసే పనీ, అతని మనసుకి హత్తుకుంటుంది.
అతను మీలాగే మాట్లాడతాడు,ప్రవర్తిస్తాడు.
పెరిగి పెద్ద వాడయాక, మీలాగే తయారవుతాడు.
మీరు ఎప్పుడూ తప్పుచెయ్యరన్న ధీమా.
అతని కళ్ళు ఎప్పుడూ తెరుచుకునే ఉంటాయి.
పగలూ రాత్రీ మిమ్మల్నే గమనిస్తూ ఉంటాయి.
మీరు అతని ముందు ఒక ఆదర్శాన్ని ఉంచుతున్నారు.
రోజూ మీరు చేసే ప్రతి పనిలోనూ
అతను నేర్చుకునే విషయాలెన్నో!.
వేచి ఉన్నాడు.................
పెద్దయాక మీలాగే తయారవటానికి.

అందుకే తస్మాత్ జాగ్రత్త!!(మీ ప్రవర్తనను పునఃసమీక్షించుకోండి).

“ మంచితనం-సేవాభావం-ఆత్మగౌరవం ఉన్న తల్లి దండ్రులు పిల్లల్లో కూడా వాటిని పెంపొందించగలుగుతారు. వారికి సానుకూలమైన ఆలోచనలనీ, నమ్మకాలనీ, విలువలనూ నేర్పిస్తారు. దీనికి విరుద్ధంగా జరిగే అవకాశం కూడా ఉంది.
నిజాయితీ గల తల్లిదండ్రులకి పుట్టడం , వారసులవటం ,నిజంగా ఎంతో గోప్ప విషయం .”

జీవితం!.విజయం!!.సంతృప్తి!!!.

2009-02-08T14:42:00.001+05:30

జీవితంలో సఫలంగా ,సంతృప్తిగా ఉండటం నేర్చుకోండి . విజయం అంటే మీకిష్టమైన దాన్ని పొందడం, సంతృప్తి అంటే పొందిన దాన్ని ఇష్టపడడం . జీవితంలో విజయం ,సంతృప్తుల మధ్య సమతౌల్యం ఉండాలి .
విజయం కోసం పని చేయండి .పనిని ఆటగా భావించండి .ఆట కోసం పని చేయకండి .విజయాన్ని ఎంతగా సాధించినా ,కృతజ్ఞతతో ఉండండి .తద్వారా మీ సఫలత అహంకారానికి దారితీయదు .అహం అంటే భగవంతుని తోసివేయడమే అని గుర్తుంచుకోండి .
సంతృప్తితో ఉండాలంటే “ ఉన్నదాని “ తో ప్రశాంతంగా ఉండాలి .”ఉన్నదాని”తో వివాదం పెట్టుకోకండి .సామరస్యంతో ఉండండి .అపరిపూర్ణతలోని సొగసును చూడడం నేర్చుకోండి .ఉన్నదానిలో సౌందర్యాన్ని చూడండి .అప్పుడే మీకు సంతృప్తి లభిస్తుంది .
సీతాకోక చిలుకలా జీవించండి .అది ఇతరులను గందరగోళపరచదు .భారం కలిగించదు .అందంగా ,హాయిగా ఉంటుంది .పుష్పాలనుంచి తేనెను ఇది సేకరించగలదు . వేరెవ్వరూ ఈ పని చేయలేరు .ఇతరుల నుంచి నేర్చుకోండి .ఇతరులను విసిగించకండి .జీవం తొణికిసలాడేలా ఉండండి .రంగురంగుల జీవితం మిమ్మల్ని నూతన జీవన మార్గంలోకి నడిపిస్తుంది .

విజేతలు మీరే !!.

2009-01-24T17:45:00.003+05:30

ఓటమి చెందడం అనేది ,మన మనసులోని ఆలోచన మాత్రమే .అది ఒక మానసిక స్థితి మాత్రమే.అంతకు మించి ఏమీకాదు.మనం జీవితంలో సాధించిన విజయాలను చూసి,ఎంతగానో పొంగిపోతుంటాము.పదిమందికి మన గొప్పతనాన్ని ప్రదర్శించి ,వారి అభినందనలను పొందాలని తాపత్రయపడతాము.కానీ మనకేదయినా ఓటమి ఎదురైనపుడు మాత్రం,ఎవరో ఒకరిపైకి,నెపంనెట్టివేయాలని చూస్తాం.ఏదోఒక వంక చూపిస్తాము.
మీ జీవితాన్ని నిరంతరం నిర్దేశించేది,నడిపించేది మీరు అలవరచుకునే ధృక్పధమే!.మిమ్మల్ని మీరు విజేతలుగా ఊహించుకోవడమంటే ,ఎప్పటికప్పుడు కొత్త విషయాలు నేర్చుకోవడం,మున్ముందుకు ఎదగడమే తప్ప ,ఎదుటివారిని ఓడించడము కాదు .ఎదుటివారి చేతిలో ఓటమి పొందడమూ కాదు.ఓటమి సంభవించిందని, ఫలితంగా తీరని అవమానం ఎదురైందని భావించి కృంగిపోయేవారు,నిజంగానే ఓటమి పాలవుతారు.అలాకాకుండా ఓటమికి కారణమైన సంఘటనలను నిశితంగా పరిశీలిస్తూ,దానినుండి కొత్త విషయాలు,మెళకువలు నేర్చుకోవచ్చు.నూతన నైపుణ్యాలు అలవర్చుకోవచ్చు.ఇలాగే జీవితంలో ఎదురయ్యే ప్రతి అనుభవం నుండి చాలా నేర్చుకోవచ్చు.మీ జీవితంలో ఎదురయ్యే విభిన్న అనుభవాలను ,మీరు అభివృద్ధి చెందడానికి వచ్చిన అవకాశాలుగా పరిగణించాలి.
మీ ప్రవర్తనను నడిపించేది ,మీ మనస్సులో కలిగే భావనలేనని,ఆ భావనలను నిర్దేశించేది మీ ఆలోచనా ధోరణేనని,మీ ఆలోచనా ధోరణి ఏలా ఉండాలో నిర్ణయించేది మీరేనని ,మీరు గుర్తించగలిగితే చాలు. విపత్కర పరిస్థితులు మిమ్మల్ని అచేతనుల్ని,నిస్సహాయుల్ని చేయడానికి ప్రయత్నిస్తాయి. మీరు సరైన ఆలోచనా ధోరణిని అలవరచుకుంటే, ఆ పరిస్థితులను సులభంగా అధిగమించగలరు.
మీకు సాధ్యం కానిది లేదు!!.

జీవితం!!.

2009-01-20T18:56:00.003+05:30

మీ బాధలకు ,దుఃఖాలకు సృష్టికర్తలు మీరేనని తెలుసుకుంటే, బాధలన్నింటినీ తొలగించుకునేందుకు అది సహాయపడుతుంది.మనకు జీవితం ఎంత విశాలమైనదో తెలియదు-కాబట్టే మనం తరచుగా బాధలను అనుభవిస్తున్నాము.మంచి-చెడు,తప్పు-ఒప్పు,సుఖం-దుఃఖం,లాభం-నష్టం,అందమైనది-అందవిహీనమైనది అంటూ విడివిడిగా విభజించేందుకు ,జీవితం చిన్నది కాదు.ద్వంద్వాలను అన్నింటినీ తనలో ఇముడ్చుకునేంత విశాలమైనది జీవితం.
జీవితం ఒక అవకాశం-దానిని సద్వినియోగం చేసుకో
జీవితం ఒక సాహస కృత్యం-దానికి పూనుకో
జీవితం దుఃఖమయం-దానికి అతీతంగా ఎదుగు
జీవితం ఒక పోరాటం-దానిని పవిత్రంగా మార్చు
జీవితం ఒక ఆట-ఆడుకో
జీవితం ఒక పాట-పాడుకో
జీవితం ఒక వాగ్దానం-నెరవేర్చు
జీవితం ఒక కల-వాస్తవం చేసుకో
జీవితం ఒక అందం-ఆస్వాదించు
జీవితం పరమానందం-అనుభూతి చెందు...

బ్రతక్కండి!!.....జీవించండి!!!.

2009-01-19T15:27:00.002+05:30

ఈ వాస్తవ ప్రపంచంలోని మనకు జీవించడానికి రెండో అవకాశం రాదు. అందుకే మరీ అలస్యమయ్యే లోపల ,జీవితమనే కానుకని అనుభవించడానికి మేలుకోవాలి. కాలం నిజంగానే వేళ్లనుంచి ఇసుక జారి పోయినట్లు జారి పోతుంది. ఈ క్షణం నుంచే మీ జీవితంలో ఏది ముఖ్యమో మీరు తెలుసుకొండి- తేల్చుకోండి. మీ జీవితాన్ని మరింత అర్థవంతం చేసే వ్యక్తులతో జీవితాన్ని పంచుకోండి. మీరు ఎప్పటినుంచో చేయాలనుకున్నవన్నీ చెయ్యండి. వర్షంలో నాట్యం చెయ్యాలనుకుంటే చెయ్యండి. కొత్త భాష నేర్చుకోవాలని అనుకుంటే నేర్చుకోండి.సంగీతాన్ని ప్రేమించడం నేర్చుకోండి. మీ బాల్యంలోని ఆనందాలను ,మీ జీవితంలోని మధురక్షణాలను మళ్ళీ అనుభవంలోకి తెచ్చుకోండి. జీవితంలోని ప్రత్యేక క్షణాలను, వాటి శక్తినీ అనుభవించండి.
విజయం లేదా సంపాదన కోసం మీ ఆనందాన్ని త్యాగం చెయ్యకండి. ఫలితాన్ని ఎంజాయ్ చెయ్యడం కంటే మీరు చేసే పనిని ఎంజాయ్ చెయ్యండి. ఈ గ్రహం మీద ఉన్న ప్రతి ఒక్కరూ ఒక అధ్భుతమే .ఏదో ఒక రకంగా మనందరం విజేతలమే. అందరిలోనూ అసాధారణాన్ని సాధించడానికి ,సంపూర్ణసంతృప్తి పొందడానికి కావలసిన శక్తిసామర్థ్యాలు ఉన్నాయి. కావలసిందల్లా ఆ కలల సాఫల్యం వైపుగా అడుగులు వేయడమే. ఈ చిన్నచిన్న మార్పులు క్రమంగా మీలో సానుకూల దృక్పథాన్ని కలిగిస్తాయి. వాటి నుంచి సానుకూల ఫలితాలు సంభవిస్తాయి. ఈ ఫలితాలవల్ల మీ వ్యక్తిత్వంలో సమూలమైన మార్పు చోటుచేసుకుంటుంది. ప్రతి దినం ,ప్రతి క్షణం మీ జీవితంలో ఆఖరిదైనట్టుగా జీవించండి. ఈ రోజు నుంచి ఎక్కువగా నేర్చుకోండి. ఎప్పుడూ చిరునవ్వులు చిందించండి. మీకు నిజంగా ఇష్టమైన పనులు చేయండి లేదా చేసే పనులను ఇష్ట పడండి. మీ భవిష్యత్తును మీరే నిరాకరించుకోకండి. ఎందుకంటే ఈ ప్రపంచంలో కోట్ల మంది బ్రతుకుతారు, కానీ కొద్ది మందే జీవిస్తారు.

పొరపాటు!!.

2009-01-18T10:21:00.002+05:30

రేపు మీరు బాగుపడాలంటే ,ఈ రోజు మీరేం తప్పులు చేశారో మీకు తెలియాలి.అలా తెలుసుకొని ,మళ్ళీ అవి జరగకుండా ఒక ప్రణాళిక వేసుకోవాలి.పొరపాట్లు చేయడం తప్పేమి కాదు.మన జీవితంలో ,మన అభివృద్ధిలో అవి భాగాలు ."ఆనందం మంచి విచక్షణ వల్ల వస్తుంది.విచక్షణ అనుభవం వల్ల వస్తుంది.అనుభవం విచక్షణ లేకపోవడం నుంచి వస్తుంది."కానీ ఒకే తప్పును పదేపదే చేయడంలో మాత్రం ఏదో దోషం ఉంది. ఇది ఆ మనిషికి వివేకం అసలే లేదని నిరూపిస్తుంది.మనుషుల్ని ,జంతువుల నుంచి విడదీసే మౌళిక లక్షణం ఇదే.ఒక్క మనిషి మాత్రమే తన నుంచి తాను విడిపోయి ,తను చేసిన పని తప్పా,ఒప్పా అని వివేచించగలడు.జంతువులు ఆ పని చేయలేవు. మీరు చేయగలరు.ఆత్మావలోకన విధి చెప్పేది దీన్ని గురించే .మీ దినచర్యలో ఏది సరిగ్గా ఉందో,ఏది లేదో మీరే నిర్ణయించుకోండి.ఆ తర్వాత దానికి అవసరమైన మెరుగులు దిద్దుకోండి .

జీవితాశయం!!.

2009-01-16T15:57:00.002+05:30

ఒక వ్యక్తి తన వ్యక్తిగత ప్రయోజనం కంటే ఉన్నతమైన ఆదర్శం కలిగి ,ఆ ఆదర్శం ఏదోఒకరకంగా ఇతరుల జీవితాన్ని మెరుగుపరచేలా ఉండి,దానికి అంకితభావంతోకృషి చేసినపుడు,ఆయాచితంగానే ఆనందం లభిస్తుంది.మీ జీవితలక్ష్యం నిర్ణయించుకున్న వెంటనే మీ చుట్టూ ఉన్న ప్రపంచం చైతన్యంతో తొణికిసలాడుతుంది. ఆ ఖచ్చితమైన లక్ష్యం పైనే మీ శక్తి అంతా కేంద్రీకృతమై ఉంటుంది.మీకు వ్యర్థం చేసేందుకు సమయం ఉండదు.కనక,ఎంతో విలువైన మీ మనశ్శక్తి ,అనవసరమైన ఆలోచనలపై వ్యర్థమవదు.మీకు తెలియకుండానే ఆందోళన చెందడం తగ్గిపోయి,మరింత ఉత్పాదక స్వభావంతో పని చేస్తారు. అంతకంటే ఆసక్తికరమైన విషయం ఏమిటంటే ,మీ లక్ష్యసాధనకు మీ అంతరాంతరాల్లోంచి ఎవరో మార్గం చూపుతున్నట్లు మీలో ఒక విధమైన ప్రశాంతత,సంయమనం చోటుచేసుకుంటాయి.మీకు అలవాటైన పరిధి నుంచి బయట పడమనే దాన్ని అధిగమించినప్పుడే మనిషిగా మీలో ఉండే శక్తి సామర్థ్యాలను సంపూర్ణంగా వినియోగించుకోగల్గుతారు.నెమ్మదిగా ఆలోచించండి, మన జన్మకు సార్థకత ఏమిటో దానికి తగ్గట్టుగా ప్రవర్తించండి.అదో అద్భుతమైన అనుభూతి.

ఆనందం!!.

2009-01-15T17:09:00.002+05:30

ఆనంద రహస్యం చాలా చిన్నది .మీకేం చేయడం అత్యంత ప్రీతికరమో తెలుసుకుని,మీ యావత్ శక్తిని దాని వైపు మళ్ళించండి.ప్రపంచంలో అత్యంత ఆనందంగానూ,ఆరోగ్యంగానూ,తృప్తిగానూ జీవించే వారిని చూసారంటే మీకే ఆర్థమవుతుంది.వాళ్ళు తమ జీవితాశయం ఏమిటో గుర్తించి,దాని అన్వేషణకు,సాధనకు,జీవితాన్ని వెచ్చించారని .సాధారణంగా ఆ వ్యక్తులకు ఒకే ఆశయం ఉంటుంది.అందులో సేవా దృక్పథమూ ఉంటుంది.ఒక్కసారి మీ మనశ్శక్తిని మీరు ప్రేమించే విషయం వైపుకు మళ్ళించారంటే ,మీకు అన్నీ సమృధ్దిగా లభిస్తాయి.మీ ఆకాంక్షలన్నీ సుళువుగా,హుందాగా తీరుతాయి.

థింక్ బిగ్!!

2009-01-13T14:43:00.001+05:30

మీకు ఉన్న సామర్థ్యాన్ని విడుదల చేయాలంటే ,ముందు మీ కల్పనను విస్తృతం చేయాలి. ప్రతి వస్తువు ,రెండు సార్లు సృష్టింపబడుతుంది. మొదటిసారి మన మనసనే వర్కుషాపులో ,తర్వాత వాస్తవంలో .ఎందుకంటే మీరు బాహ్య ప్రపంచంలో సృష్టించింది ఏదైనా మొదట మీ మనసనే తెరపై మీ అంతర ప్రపంచంలో మాములు బ్లూప్రింట్ లా కల్పించబడుతుంది. మీ ఆలోచనలను నియంత్రించుకొని ,ఈ బాహ్య ప్రపంచం నుంచి మీరు ఏం ఆశిస్తారో స్పష్టంగా ఆకృతి ఏర్పడిన తర్వాత ,మీలో నిద్రాణమైయున్న శక్తులు జాగృతమవుతాయి. మీ నిజమైన సామర్థ్యాన్ని మేల్కొలిపి ,మీకు యోగ్యమైన అద్భుత జీవితాన్ని మీరు గడపగలుగుతారు. ఈ రాత్రి నుంచి గతాన్ని మరచిపోండి. మీ ప్రస్తుత పరిస్థితుల సమాహారం కంటే మీకు ఉన్నతమైన అర్హతలున్నాయని కలలుకనే ధైర్యం చెయ్యండి. మీకు అత్యధిక ఫలితాలే వస్తాయని ఆశించండి.వస్తాయి కూడా………..
యత్ భావం -- తత్ భవతి.(మీరు కోరుకున్నదే జరుగుతుంది.)

అవకాశాలు!!

2009-01-12T14:44:00.001+05:30

మీరు సంఘటనలను మంచివి, చెడ్డవి అని విభజించడం మానేస్తే బాగుంటుంది. అంతకంటే ,వాటిని అనుభవించండి,ఆనందించండి మరియు వాటినుండి నేర్చుకోండి.. ప్రతి సంఘటన మీకు పాఠాలు నేర్పుతుంది. ఈ పాఠాలే మీ అంతర, బాహ్య ఎదుగుదలను త్వరితం చేస్తాయి. తమను సవాలు చేసిన అనుభవాల నుంచే ఎక్కువ మంది వ్యక్తులుగా ఎదిగివుంటారు. మీరు ఊహించని ఫలితాన్ని చూసి మీకు నిరాశ కలిగితే , ఈ విషయాన్ని గుర్తుంచుకోండి………….
“ప్రకృతి న్యాయం ప్రకారం ఒక తలుపు మూసుకుంటే మరో తలుపు తెరుచుకుంటుంది”

మనీ మేక్స్ మెనీ థింగ్స్.

2009-01-10T18:14:00.002+05:30

డబ్బు!!.
ఆధునిక ప్రపంచంలో డబ్బు అనేది జీవితం కంటే ముఖ్యమైనదిగా మారిపోయింది.మన సమస్యలలో అనేకం దీని చుట్టే తిరుగుతుంటాయి. మన జీవితం నుండి ప్రశాంతతని, ఆనందాన్ని దూరం చేయడంలో ప్రధానపాత్ర పోషిస్తున్నది. డబ్బు యొక్క అవసరాన్ని, ప్రయోజనాన్ని, జీవితంలో దాని యొక్క పరిమితిని అర్థం చేసుకుంటే దానినుండి బయట పడతాం.
జీవించడానికి డబ్బు కావాలి--కానీ డబ్బు కొరకే జీవించకూడదు.
డబ్బు జేబులో ఉన్నంతవరకు సమస్యలు రావు.
కానీ అది మనస్సులోకి ప్రవేశించి నప్పుడే కష్టాలు మొదలవుతాయి.
డబ్బును జేబు వరకే పరిమితం చేసిన వారి జీవితం ప్రశాంతంగా, ఆనందంగా ఉంటుంది.
కోరికలు మూడు రకాలు. అవి అవసరాలు, సౌకర్యాలు,మరియు విలాసాలు.
అవసరాలకు,సౌకర్యాలకు డబ్బు ఖర్చు చేస్తే ఇబ్బంది లేదు.కానీ విలాసాలకు ఎక్కువ మొత్తం ఖర్చు చెయ్యడం అన్ని సమస్యలకు కారణం.
కాబట్టి డబ్బును ఎక్కడ ఉంచాలో అక్కడ ఉంచి ఆనందంగా జీవించండి..

think

2009-01-06T18:15:00.002+05:30

ఒక్కోసారి మనకు మనమే అట్టే ఎదురుచెప్పకుండా ,మనస్తాపం చెందకుండానే మన అభిప్రాయాల్ని మార్చుకుంటూ ఉంటాం.కానీ అదే ఇంకెవరైనా మన అభిప్రాయాలు తప్పని చెపితే ,ఆ ఆరోపణ మనకి కోపం తెప్పించి ,మన మనసును కఠినంగా మారుస్తుంది. నమ్మకాలని ఏర్పరచుకోవటంలో మనం చాలా అజాగ్రత్తగా ఉంటాం. కానీ ఎవరైనా ఆ నమ్మకాలని మనకి దూరం చెయ్యాలని ప్రయత్నించినప్పుడు మాత్రం వాటి మీద ఎక్కడలేని ఆపేక్షా పొంగి పొర్లుకొస్తుంది. ఆ అభిప్రాయాల మీద మనకి అట్టే మమకారం లేదని ,మన స్వాభిమానం దెబ్బతినటం వల్లే మనం అలా ప్రవర్తిస్తామని స్పష్టంగా అర్థమైపోతుంది.మానవ సంబంధాలలో అతి ముఖ్యమైన పదం "నా"అనేది.కానీ దాన్ని సరిగ్గా అర్థం చేసుకొని అంచనా కట్టడంలోనే ,మనం తెలివిగా ప్రవర్తించాల్సి ఉంటుంది.మన అభిప్రాయాల్ని సరిదిద్దుకోవలసిన అవసరం ఉందని ఎవరైనా అంటే మనం మొహం మాడ్చుకుంటాం.మనం దేన్నయితే ఇన్నాళ్లూ నిజమని నమ్ముతూ వచ్చామో,దాన్నే ఇకమీదట కూడా కొనసాగించాలని అనుకుంటాం.మన నమ్మకాల గురించి ఎవరైనా సందేహం వెలిబుచ్చినప్పుడు కలిగే కోపం వల్ల ,మనం ఆ నమ్మకాలనే పట్టుకు వేలాడటానికి అన్నిరకాల కుంటిసాకులు వెతుకుతాం. దీనివల్ల జరిగేదేమిటంటే ,మనం ఇంతకుముందునుంచి వేటినైతే నమ్ముతున్నామో వాటినే సమర్థించుకోవటానికి అవివేకంగా ఎన్నోరకాలుగా వాదిస్తూ ఉంటాం.ఇదే మనం ఆనందం కోల్పోవడానికి చాలా సార్లు కారణమౌతుంది.

2009-01-04T22:56:00.002+05:30

తమ తప్పుల్ని ఒప్పుకునే ధైర్యం ఉన్నవాళ్ళకి ఒక రకమైన సంతృప్తి కలుగుతుంది.దానివల్ల తాము ఒక అపరాధం చేశామన్న భావన ,మొండిగా సమర్థించుకోవటం అనే ఆత్మరక్షణా ప్రయత్నమూ తొలగిపోవటమే కాక ఆ తప్పు వల్ల తలెత్తిన సమస్యని పరిష్కరించుకోవటం కూడా సాధ్యమౌతుంది.
ఎటువంటి మూర్ఖుడైనా తన తప్పుల్ని సమర్థించుకోగలడు.నిజానికి మూర్ఖులే అలా చేస్తారు.కానీ తప్పులు ఒప్పుకోవటం అనేది ,ఒక వ్యక్తికి తాను మిగతా వారికంటే ఉన్నతుడు ,గొప్పవాడు అనే భావన కలిగించి,అతనికి బ్రహ్మానందాన్ని కలిగిస్తుంది.

వినండి .

2009-01-04T22:12:00.002+05:30

మీ మీద ఇతరులు ఆసక్తి కనబరచాలని మీరు కోరుకునేటట్లయితే ఎదుటివారి మీద మీరు ఆసక్తి కనబరచండి.ఎదుటివారు జవాబులు చెప్పటానికి ఇష్టపడే ప్రశ్నలే వారిని అడగండి.వాళ్ల గురించి ,వాళ్లు సాధించిన వాటి గురించి మాట్లాడేటట్లు ప్రోత్సహించండి.
మీతో మాట్లాడే వ్యక్తులకి తమ మీదా ,తమ ఇష్టాయిష్టాల మీద తమ సమస్యల మీదా ఉన్న ఆసక్తి మీ మీదా,మీ సమస్యల మీదా ఉండదని గుర్తుంచుకోండి.ఈసారి మీరు ఎవరితోనైనా మాట్లాడటం ప్రారంభించే ముందు ఈ విషయం కాస్త ఆలోచించండి.
చక్కగా వినండి.ఎదుటివారిని తమగురించి చెప్పమని ప్రోత్సహించండి.ఇది మీరు మంచి వక్తగా రూపొందటానికి ఒక సులభమైన మార్గం.

వేల్యూ అఫ్ SMILE

2009-01-01T17:35:00.002+05:30

దానికి ఏమీ ఖర్చు చెయ్యనక్కర లేదు.కానీ అధిక లాభం పొందవచ్చు.దాన్ని తీసుకొనేవారు,ఇచ్చేవారిని పేదరికానికి గురి చెయ్యకుండానే,ధనవంతులు అవగలరు.
అది ఒక్క క్షణమే ఉంటుంది.కాని దాని ప్రభావం మట్టుకు ఒక్కోసారి జీవితమంతా జ్ఞాపకంగా మిగిలిపోతుంది.
అది మీ ఇంట్లో ఆనందాన్ని సృష్టిస్తుంది.వృత్తిలో సహృదయతని పెంచుతుంది.స్నేహానికి సరైన గుర్తింపు.
అది అలసిపోయినవారికి విశ్రాంతి.నిస్పృహ చెందిన వారికి వెలుగురేఖ.దుఃఖంలో ఉన్నవారికి సూర్యరశ్మి.ఎటువంటి సమస్యకైనా ప్రకృతి ప్రసాదించిన అతి ఉత్తమమైన విరుగుడు.
అయినా దాన్ని కొనటం ,యాచించటం,అప్పుతెచ్చుకోవడం మరియు దొంగిలించడం సాధ్యం కాదు.ఎందుకంటే ఎవరికైనా ఇవ్వటానికి తప్ప ,మన దగ్గర దాచి ఉంచుకోవటానికి అది ఏమాత్రం పనికిరాదు.
ఎందుకంటే ఎవరిదగ్గరైతే ఇంకొకరికివ్వడానికి చిరునవ్వులు మిగలవో ,వారికే వాటి అవసరం మిగతావారికన్నా ఎక్కువ!.

SMILE

2009-01-01T16:59:00.002+05:30

మీ నవ్వు మీ సహ్రుదయతకి సంకేతం.మీ చిరునవ్వుని చూసే వారందరి జీవితాలూ వెలుగుతో నిండుతాయి. దాదాపు అన్నీ విసుగుమొహాలూ ,కోపిష్టిమొహాలు మరియు ఏడుపుమొహాలు చూసిన వారికి,మీ చిరునవ్వు-మబ్బుల్లోంచ్చి తొంగిచూసే సూర్యుడిలా కనిపిస్తుంది.ముఖ్యంగా,ఆ వ్యక్తి మానసిక ఒత్తిడులకుగురై ఉన్నా,ఆర్థికపరమైన ఇబ్బందులతో చికాగ్గా ఉన్నా,సమస్యలు తనని పీడించుకు తింటున్నా, ఒక చిరునవ్వు చాలు.జీవితం అంతా దుఃఖంతో కూడుకున్నదే కాదు అనే ధైర్యం అతనికి కలుగుతుంది.ఈ లోకంలో ఇంకా ఆనందం మిగిలి ఉందని అతను అనుకుంటాడు.

2008-12-29T19:35:00.002+05:30

మన దైనందిన జీవితంలో పూర్తిగా విస్మరించబడిన ఒక గొప్పగుణం అవతలివారిని మనస్పూర్తిగా ,నిజాయితీతో పొగడటం.పిల్లలు సాధించిన చిన్న చిన్న విజయాలని విస్మరిస్తాం.పిల్లలకి ,తల్లిదండ్రులు తమ పట్ల చూపించే ఆసక్తినిగాని,వారిమెచ్చుకోలుని గాని మించిన ఆనందం మరేది ఉండదు.
ఈసారి మీరు మంచి భోజనం తిన్నప్పుడు ,వంట చేసిన వ్యక్తికి భోజనం చాలా రుచికరంగా ఉందన్న విషయం తెలియజేయండి. అలాగే అలసిపోయినా కూడా సేల్స్ పర్సన్ మీతో వినయంగా మాట్లాడినప్పుడు ,దాన్ని గురించి అతని దగ్గరే మెచ్చుకోండి.
రోజువారి జీవితంలో చిన్న చిన్నక్రుతఙ్ఞతలని దారి పొడుగునా స్నేహభావంతో వదిలిపెడుతూ ఉండండి. మీరు మళ్ళీ ఆ వ్యక్తుల్ని కలిసినప్పుడు మిమ్మల్ని ఆహ్వానిస్తూ ఆశ్చర్యపడేలాచేస్తాయి.
అందుకే మనస్పూర్తిగా,నిజాయితీతో మెచ్చుకోండి.ఇతరులు మీ మాటలని పదిల పరచుకుంటారు .మనసులో భద్రపరచుకొని,ఎంతో విలువనిచ్చి తమ జీవితమంతా తల్చుకుంటూ ఉంటారు. మీరు మరచిపోయినా ఎన్నో ఏళ్ళ తరువాత కూడా వాటిని చెప్పుకుంటూ ఉంటారు.

Think with Smile-Do with Smile-Then you will get Smiles Everywhere

2008-12-28T19:03:00.007+05:30

2008-12-28T16:42:00.002+05:30

విమర్శవల్ల ఎటువంటి ప్రయోజనం ఉండదు.ఎందుకంటే విమర్శ నెదుర్కొనేవ్యక్తి ఎప్పుడూఎదురు తిరుగుతాడు.తననితాను సమర్థించుకుంటాడు. విమర్శ ప్రమాదకరమైనది. అది ఒక వ్యక్తి తను ఎంతో జాగ్రత్తగా కాపాడుకునే ఆత్మగౌరవాన్ని గాయపరుస్తుంది.అతని అహంకారాన్ని దెబ్బతీస్తుంది.కోపాన్నిరగిలిస్తుంది. విమర్శ రేకెత్తించే కోపం పనివారిని,కుటుంబసభ్యుల్నీ,స్నేహితుల్నీ కించపరుస్తుంది.అంతేకాక మీరు దేనికైతే వారిని నిందించారో ఆ పరిస్థితిని కూడా చక్కబరచదు.
మీరు విమర్శించడంమాని వాళ్ళని అర్థం చేసుకోవటానికి ప్రయత్నించండి.వాళ్ళు చేసేపనులు ఆ విధంగా ఎందుకు చేస్తారో ఆలోచించండి-తెలుసుకొండి.విమర్శించడం కన్నా ఈ పని చేయటంలో లాభమూ,ఆసక్తీ ఉంటాయి.దీనివలన అవతలి వ్యక్తి మీద సానుభూతి కలుగుతుంది. ఓర్పు అలవడుతుంది. దయతో వ్యవహరించడం అలవడుతుంది.
దేవుడు కూడా చివరి రోజు వరకూ,మనిషి మంచి చెడ్డల్ని బేరీజు వెయ్యాలని అనుకోడు!.మరి మీరు ఎందుకా పని చెయ్యటం?.

2008-12-28T15:09:00.001+05:30

4).మీరేదో సాధించటానికి పుట్టారు. అదేమిటో ముందు కనుక్కోండి. దాన్ని సాధించటానికి ప్రయత్నాలు ప్రారంభించండి. దానికి మీలోవుండే అంతర్గతశక్తుల సాయం తీసుకొండి. మీ చుట్టూ వున్న విషాదంలోంచి బయటకు మొదటి అడుగు మీరు వేయండి.
అపజయం వల్ల వెంటనే కలిగేది ఫస్ట్రేషన్.అది కోపం,నిస్సహాయత,అవమానంగా పరావర్తనం చెందకముందే దాన్ని “పట్టుదల”గామార్చుకోండి.

2008-12-28T14:49:00.001+05:30

3).మీరు శారీరకంగా అందంగా లేకపోతే దాన్ని మీ వ్యక్తిత్వంతో భర్తీ చేయండి. మిమ్మల్ని ఎవరైనా ఇష్టపడకపోతే అది వారి సమస్య,మీ సమస్య కాదు. ఇతరులు మీతో రోజుకి గంటో,రెండు గంటలో గడపవచ్చు.కానీ మీరు మీతో జీవితాంతం గడపాలి.కాబట్టి మీ కంపనీ మీకు ఆహ్లాదకరంగా వుండేలా చూసుకోండి.ఇంకొకరి విషాదానికి మీరు పోస్టుబాక్స్ కాకండి.

2008-12-26T17:40:00.003+05:30

గతాన్ని గురించి కలవరపడకుండా,భవిష్యత్తు గురించి ఆందోళన చెందకుండా జీవించేందుకు ఒక మార్గం ఉంది."నీ కర్తవ్యాన్నినువ్వు నిర్వహించు- ఫలితాలు ఆశించకు". చాలా మందికి దీనికిగల నిగూఢమైన భావం తెలియదు. ఫలితం భవిష్యత్తుకు సంబంధిచినది. కర్తవ్యం వర్తమానానికి సంబంధిచినది. భవిష్యత్తును గురించి ఎవరైన కలవరపడితే, వర్తమానంలో నిలకడ తప్పుతుంది.అందుకే ఫలితాల గురించి కలత చెందకు అని అంటారు.

గతం నుండి నేర్చుకో- వర్తమానాన్ని అస్వాదించు- భవిష్యత్తును రూపొందించుకో.

గతం విషాదంతో నిండియుండవచ్చు. భవిష్యత్తు మనకు తెలియదు.వర్తమానం ఒక్కటే భగవంతుడు ప్రసాదించిన గొప్పవరం.
దీనినే ఇంకోలా చెప్పాలంటే .....
గతం చరిత్ర.
భవిష్యత్తు అంతుబట్టనిది.
వర్తమానం ఒక కానుక!
అందుకే మనం Present(కానుక) అని అంటాం.

కొందరు సరదాకి పని చేస్తారు- కాని తెలివైన వారికి పని చేయడమే ఓ సరదా!

సుస్వాగతం

2008-12-25T00:08:00.006+05:30

భగవంతుడిచ్చిన వరం ఆనందం. దాన్ని చిన్న చిన్న కారణాలకు,సమస్యలకు,ఆవేశాలకు,ఆవేదనలకు మరియు మానసికఒత్తిడులకు కోల్పోకూడదు.చిన్న చిన్న అనే పదాన్ని ఎందుకు వడానంటే అవి ఎంత పెద్దవైనా జీవితంముందు,ఆనందం ముందు చాలా చిన్నవే. ముఖంపై చిరునవ్వు చిందించడం అంటే దైవాన్ని ప్రార్థించడమే.

మీ దుఃఖానికి ఎవరో ఎదుటివాళ్ళు కారణమనిచెప్పి ,వాళ్ళపై తప్పును మోపడానికి ప్రయత్నించకండి.మీ దుఃఖానికి మీరే కారణమన్న విషయాన్ని అర్థం చేసుకోవాలి.మీ దుఃఖాల లోతులకెళ్ళి, దీనినుండి నేను నేర్చుకోగల పాఠం ఏమిటి అన్న విషయం ఆలోచించండి.ఆ ప్రశ్నకు సమాధానం కనుక్కునే ప్రయత్నం చేయండి.అదే మిమ్మల్ని ఎదిగేలా చేస్తుంది.

ఆనందం అనేది తాళం కప్పలాంటిది.వివేకం తాళం చెవి వంటిది.తాళం చెవిని ఒకవైపుకి తిప్పితే ఆనందం తలుపులు మూసుకుపోతాయి.మరోవైపుకు తిప్పినట్టయితే ఆనందం తలుపులు తెరుచుకుంటాయి.